Компаниянинг ишончлилиги ва барқарорлигининг аниқ кўрсаткичи бу — вақтдир. Айнан вақт ривожланиш йўли ва стратегиясининг тўғри танланганлигини белгилаб беради. Вақт ўтиши билан узоқ муддатли ҳамкорликка олиб келувчи мижозларнинг ишончига эришилади. China Leasing Group компанияси 8 йилдан ортиқроқ вақт мобайнида (2009 йилдан бери) Ўзбекистон бозорида лизинг хизматларини кўрсатиб келмоқда. Айни пайтда лизингнинг турли шаклларини танлаш имкони мавжуд бўлиб, кўп сонли етказиб берувчилар билан ишлаш йўлга қўйилган. Фаолият юритиш кўлами республиканинг барча ҳудудларини қамраб олади ва бу мамлакатнинг барча ҳудудларида тадбиркорларнинг имкониятларини кенгайтиради.
Компания ҳақида
China Leasing Group 2009 йилнинг июнь ойида рўйхатдан ўтган. 2016йилнинг бошидан бошлаб ташкилот барча етказиб берувчилар билан ишламоқда ва классик шаклдаги лизинг компанияси сифатида ўз ўрнига эга.
Вақт — бу ўзгаришлар даракчисидир. Замонавий йўналишлар ва янгиликлар билан ҳамоҳанг ва вақт билан ҳамнафас тарзда China Leasing Group компаниясида ребрендинг ўтказилди. Компаниянинг расмий номи CLG деб атала бошлади. «Тараққиёт учун лизингни танла» ёки Choose Leasing to Grow ибораси унинг шиори сифатида танланди. Бу шиор компания фаолиятининг бош ғоясини ифодалайди ва шу билан бирга унинг номидаги қисқартманинг маъносини ҳам изоҳлаб беради. Дарҳақиқат, бугунги кунда CLG ташкилот ва корхоналарга лизингнинг фойдали шартларини, 3 кун ичида лойиҳаларни тез муддатда кўриб чиқиш, керакли бўлган минимал 5 та ҳужжатга асосланиб, бизнес режа талаб этилмаган ҳолда шартнома тузишни таклиф қилади. Шу пайтгача компания 72 млрд. сўм баҳосидаги 242 та лойиҳани молиялаштирган. Иқтисодиётнинг турли соҳаларида фаолият юритаётган 153 та ташкилот CLG’нинг мижозларига айланди.
Ўзбекистон Лизинг берувчилари Ассоциацияси рейтингига мувофиқ, CLG мамлакатнинг 126 та лизинг компаниялари ва банклари орасида кучли ўнталикка кирди. Фақат лизинг компаниялари хусусида сўз борганда, бу компания рейтингнинг кучли бешлигидан мустаҳкам ўрин олган. Шунингдек, CLG республика бўйлаб лизинг хизматларини кўрсатувчилар хусусий секторида биринчи ўринни эгаллаб турибди.
Лизингнинг асосий объектлари ишлаб чиқариш вазифаларининг кенг кўламини бажарадиган махсус техниканинг ҳар хил турларидир.
Юк ташувчи транспорт. Ўзбекистон иқтисодининг реал секторини юк ташишни самарали ташкил қилмасдан тасаввур қилиб бўлмайди. Юкларни ташиш учун қудратли шатакчилар ва юк машиналари зарур. CLG компанияси ушбу турдаги махсус техникани қўлга киритиш учун фойдали шартларни тақдим қилаётганлигидан мамнун. Бу сезиларли равишда мижознинг бюджетига бўлган юкни камайтиради ва солиқ тўловларида тежашга имкон беради.
Йўловчи транспорти. Автобус ва микроавтобусларни лизинг асосида қўлга киритиш корхоналарни бир марталик молиявий маблағлардан озод қилади. Автопаркни тўлдиришга нисбатан бундай ёндашув компания воситаларини йўловчи ташиш сифатига зарар етказмасдан стратегик жиҳатдан тўғри ва оқилона бошқариш имконини беради.
Қурилиш техникаси. Шаҳар қурилишининг жонланганлиги шароитида технопаркнинг замонавий қурилиш техникалари билан жиҳозланиши қурувчи шахс фаолиятининг самарадорлигини оширади. Maxсус техникани лизинг асосида қўлга киритиш эса бу жараённи максимал тарзда тезлаштиради ва ташкилот бюджетига зарар етказмайди. Бу ерда муҳим жиҳат шундаки, CLG компанияси ўз мижозларини эгалланадиган мулкка бериладиган гаров билан таъминлаш заруриятидан озод қилади.
Ишлаб чиқариш ускуналари. Ишлаб чиқаришнинг кенгайиши ва модернизацияси, ишлаб чиқариш қувватининг ошиши саноат бозорида ривожланишнинг ажралмас қисмидир. CLG мутахассислари керакли ускунани бирданига барча тўловларни амалга ошириб сотиб олиш қанчалик қийин эканлигини тушунадилар. Шунинг учун улар лизингга ушбу техникани қўлга киритишнинг фойдали шартларини ишлаб чиқишган.
Back leasing. Корхонанинг активлари ҳисобига маблағни жалб қилиш учун самарали восита ҳам CLG хизматлари рўйхатига киради. Қайтариш лизинги бизнеснинг ўсишига ёрдам беради ва тадбиркорларга шиддат билан ўзгариб бораётган бозор шароитида ақл билан ҳаракат қилишларига имкон беради.
CLG ўзи ва ҳамкорлари вақтини қадрлайди, шунинг учун шартномалар қисқа муддатларда тузилади. Масалан, юк, йўловчи транспорти ёки қурилиш техникасини лизинг асосида қўлга киритиш 3 кунча вақт олади, холос. Мижозларга қулайлик учун www.clg.uz веб-саҳифаси фаолият юритмоқда. Бу саҳифада лизингга маҳсулот етказиб бериш шартлари ва шартномани расмийлаштириш учун керакли ҳужжатлар тўпламлари ҳақида маълумотлар жойлаштирилган. Саҳифада аванс ва ойлик тўловларнинг тахминий миқдорини мустақил тарзда ҳисоблаш учун онлайн-ҳисоблагич мавжуд, компания янгиликлари мунтазам жойлаб борилади. Бундан ташқари, реал вақт тартибида ишлайдиган матнли чатда потенциал мижозларга жавоб берадиган CLG вакилларидан маслаҳат олиш ҳам мумкин.
Реклама ҳуқуқи асосида
Изоҳ (0)