Ўзбекистон Республикаси Президентининг 2017 йил 14 декабрдаги ПF-5285 сонли «Тўқимачилик ва тикув-трикотаж саноатини жадал ривожлантириш чора-тадбирлари тўғрисида»ги Фармони ижросини таъминлаш ва аҳолининг тўқимачилик ва тикув-трикотаж маҳсулотларига бўлган талабини қондириш мақсадида Миришкор ва Ғузор туманларида Ўзсаноатқурилишбанкнинг кредит маблағлари кўмагида «Ғузор Текстил Импекс» МЧЖ томонидан инновацион пахта-тўқимачилик кластери ишга туширилади.
Тўрт босқичли лойиҳалар асосида амалга ошадиган мазкур лойиҳа ишга тушиши натижасида корхона томонидан йилига 35 минг тонна чигитли пахта, 20 минг тонна калава ип, 23,6 миллион дона тайёр маҳсулот, 2,9 минг тонна пахта ёғи ва 7,9 минг тонна шрот ишлаб чиқариш ҳамда 38,0 миллион АҚШ доллари миқдоридаги маҳсулотларнинг хорижга экспорт қилиниши режалаштирилган.
Ушбу лойиҳанинг умумий қиймати 60,0 миллион АҚШ долларини ташкил этиб, шундан 40,0 миллион АҚШ доллари миқдорида Ўзсаноатқурилишбанк кредити ҳисобидан Trutzschler (Германия), Rieter (Швейцария), Electro-jet Textile Machinery (Ҳиндистон), «Murata Manufacturing Co., Ltd.», JUKI (Япония) каби халқаро миқёсдаги компаниялардан энг замонавий асбоб-ускуналар олиб келинади.
Ишлаб чиқариш учун маҳаллий хом-ашё етиштириш мақсадида Миришкор туманида 10 000 гектар майдонда пахта етиштирилиб, Ғузор туманида қайта ишлаб тайёр маҳсулот ишлаб чиқариш ташкил этилади.
Лойиҳа тўлиқ маҳаллийлаштирилганлигини инобатга олинадиган бўлсак, бу лойиҳанинг нақадар юқори аҳамиятли эканлигини алоҳида таъкидлашимиз мумкин.
Энг асосийси, лойиҳа Қашқадарё вилоятининг 2 150 нафар маҳаллий ёш йигит ва қизлари учун иш ўрни яратиш ва вилоятда ягона комплексда маҳаллий хом-ашёни ишлаб чиқариш, қайта ишлаш ва тайёр маҳсулот тайёрлаш имконини берувчи замонавий пахта-тўқимачилик кластерини яратиш имконини беради.
«Ўзсаноатқурилишбанк» АТБ веб-сайти: www.uzpsb.uz;
Telegram: https://t.me/UzSQB;Facebook: https://www.facebook.com/uzpsb;“UZPSB Mobile” дастури: http://goo.gl/rpgHor (Android учун),https://itunes.apple.com/vn/app/uzpsb-mobile/id1125872822?mt=8 (IOS учун).
Реклама ҳуқуқи асосида
Изоҳ (0)