2018 йилда Тошкент шаҳридаги аҳоли сони 2 миллион 498 минг кишига етиши кутилмоқда, деб ёзади ЎзА.
Маълумотларга кўра, 2017 йил охирига келиб Ўзбекистон пойтахтида истиқомат қилаётганлар 2 миллион 465 минг кишига етган. 2012 йилда бу кўрсаткич 2 миллион 342 мингтани ташкил этган.
2018 йилда пойтахтда таҳсил олаётган талабалар сонининг ҳам қисқариши кутилмоқда. Хусусан, ўтган йилда 109 минг нафарга яқин талаба рўйхатга олинган бўлса, жорий йилда уларнинг сони қарийб 7 мингтага камаяди.
Пенсионерлар сони бўйича кейинги беш йилдаги энг юқори кўрсаткич 2017 йилда қайд этилган бўлиб, 326 минг нафарга етган. Жорий йилда бу рақам 312 мингтани ташкил этиши прогноз қилинмоқда.
Изоҳ (0)