«Ўзтемирйўлйўловчи» акциядорлик жамияти Ўзбекистон фуқаролари билан салбий ҳолатлар юз бериши олдини олиш мақсадида жорий йилнинг февраль ойидан бошлаб бир қатор халқаро йўналишларда қатнайдиган йўловчи поездлари учун қўшимча қатновларни йўлга қўяди. Бу ҳақда «Дарё»га «Ўзтемирйўлйўловчи» мутахассиси маълум қилди.
Ҳозирги кунда Тошкент—Москва, Тошкент—Уфа ва Андижон—Москва йўналишларида ҳафтада бир маротаба ҳаракатланаётган йўловчи поездлар февраль ойидан бошлаб ҳафтада 2 маротаба ҳаракатлана бошлайди.
Тошкент—Волгоград йўналишидаги йўловчи поезди эса, компания сайтидаги маълумотга кўра, ҳафтада 3 маротаба қатновни амалга оширади.
Изоҳ (0)