АҚШ Эрон ҳукуматига мурожаат қилиб, мамлакатдаги барча сиёсий маҳбуслар, хусусан, норозилик намойишлари қатнашчиларини озод этишни талаб қилди. Бу ҳақда «Интерфакс» хабар бермоқда.
«Америка Қўшма Штатлари Эрондаги барча сиёсий маҳбусларни, хусусан, яқинда ўтказилган норозилик намойишлари иштирокчиларини зудлик билан озод қилинишини талаб қилади», — дейилади Оқ Уй хабарида.
Унда қайд этилишича, АҚШ президенти маъмурияти ўтган ҳафтада бўлиб ўтган тинч намойишларда қатнашган минглаб эронликларнинг ҳибсга олинганидан ташвишда.
«Намойишчиларнинг айримлари қийноққа солингани ёки ўлдирилгани ҳақидаги хабарлар эса бизни янада қаттиқ хавотирга солмоқда», — дейилади баёнотда.
Изоҳ (0)