Бугун,

  • USD 11095.31
  • RUB 173.84
  • EUR 10772.44

Бу мақола тушлик пайтига келиб зўрға ўзига келадиганлар учун йўриқнома бўлиб хизмат қилади.

Фото: Flickr

Фото: Flickr

1.Мос мусиқа танланг

Будильник учун мос мусиқани танланг. У сизнинг жаҳлингизни чиқарадиган бўлмаслиги керак. Эрталаб биз айниқса ҳамма нарсага таъсирчан бўламиз, шу жумладан овозларга ҳам.

Ўрнингиздан туришингиз билан радиони ёки ўзингизнинг севимли қувноқ мусиқангизни қўйинг. Танангиз беихтиёр мусиқага ҳамоҳанг равишда ҳаракатлана бошлайди, кайфиятингиз кўтарилади.

2. Уйғонишга сабаб топинг

Мотивация сизни иссиқ кўрпа тагидан чиқишга ва эрталабки ишларга киришишга мажбур қилади. Олдингизга аниқ бир мақсад қўйинг. Масалан, лойиҳани вақтида топшириш ёки кечгача ҳамма ишларни тамомлашга улгуриш. Янги либос ёки мазали нонушта ҳақидаги аҳамиятсиз, лекин ёқимли фикрлар ҳам уйғонишга ёрдам беради.

3. Ёруғлик қўшинг

Эрталаб уйғонишга ёрдам берадиган энг яхши ёруғлик қуёш ёруғлигидир. Лекин тонггача ёки булутли ҳавода туришга тўғри келса, электр чироқларидан фойдаланинг.

Гап шундаки, бизда қоронғиликда уйқу гормони ҳисобланувчи мелатонин фаоллик билан ишлаб чиқарилади. Шунинг учун уйғонишингиз билан ҳамма ёруғлик манбаларини ёқишга ҳаракат қилинг.

4. Камида 9 дақиқа оёқда туринг

Айнан шу вақт ичида организм тўлиқ уйғониши ҳақида назария мавжуд. Айниқса, бу дақиқалар анча ёқимлироқ бўлса.

5. Табассум қилинг

Кўзгу қаршисида туринг ва аксингизга қараб жилмайишга ўзингизни мажбур қилинг. Лабларни ҳаракатлантиришдан бошланг. Бу қувонч гормони деб аталувчи серотонин ишлаб чиқарилиш жараёнини ишга туширади.

6. Машқлар бажаринг

Эрталабки қисқа машқлар нафақат мияга кислороднинг етиб бориши ҳисобига уйғонишга ёрдам беради, балки қоматингизни яхшилайди ва сизни бахтлироқ қилади. Шунинг учун бир нечта машқлар бажаринг.

Агар об-ҳаво яхши бўлса, югуришга чиқинг. Бу сизга икки ёқлама фойда беради: эрталабки тетиклик ва тоза ҳаво.

7. Тишларингизни тозаланг

Эрталаб тетиклашишга ҳатто одатдаги гигиена воситаси бўлган тиш пастаси ҳам ёрдам беради. Тиш пастасининг таъми, ҳиди ва оғиз ичини бироз санчиши уйғонишга ёрдам беради.

8. Душ қабул қилинг

Бу жуда оддий, ҳамманинг қўлидан келадиган ва бир вақтнинг ўзида жуда самарали усул. Жараённи илиқ сув билан бошлаб, совуқ сув билан тамомланг.

9. Бир пиёла сув ичинг

Душ қабул қилиб бўлганингиздан кейин бир пиёла сув ичинг. Сув танангиз учун ҳақиқий уйғотувчи ролини бажаради. У ҳазм қилиш жараёнини ишга туширади ва организм ишлаш вақти келганини тушунади.

Изоҳ
Asosiy yangiliklar
Маҳаллий
Шавкат Мирзиёев Қорақалпоғистон ва Фарғона водийсида сув таъминотини яхшилашга оид тақдимот билан танишди (фото)
Маданият
Томошабинлар меҳрига сазовор бўлган энг гўзал турк актрисалари (фото)
Маҳаллий
Марказий банк хорижий валюталарнинг сўмга нисбатан янги қийматини эълон қилди