Ўзбекистонда биринчи марта тиббиёт йўналишидаги олий таълим даргоҳларида таълим олаётган 7-курс бакалавр ҳамда клиник ординатура йўналишида таҳсил олаётган талабаларнинг ўқиши муддатидан 5 ой олдин якунланди. Бу ҳақда Ўзбекистон Соғлиқни сақлаш вазирлиги матбуот хизмати ахборот берди.
Хабар беришларича, сўнгги бир ой давомида ҳудудлар, туманлар ва шифо масканларида тиббиёт кадрларига бўлган эҳтиёж ўрганилган. Ўрганишлар натижасида тиббиёт йўналишидаги барча битирувчилар доимий яшаш жойларидаги тиббиёт муассасаларида ўз соҳаси бўйича ишга жойлаштирилган.
«Улар 8 январдан бошлаб иш фаолиятини бошлайди», — дейилади ЎзА ахборотида.
Шу муносабат билан, Тошкент педиатрия институтининг 7-босқич бакалавриат ва 2-босқич ординатура йўналиши бўйича битирувчилари 6 январь куни «Шифокорликка қасамёд» қабул қилган.
Изоҳ (0)