O‘zbekiston Prezidenti Shavkat Mirziyoyev Qoraqalpog‘iston Respublikasi Xo‘jayli tumanida barpo etilayotgan zamonaviy logistika markazida bo‘lgani haqida avvalroq ma’lumot berilgandi. Shavkat Mirziyoyev markazda Panaev Farms fermer xo‘jaligi rahbari Qutlimurat Panayev bilan suhbatlashdi, deb xabar berdi “KRuz.uz”.

Foto: “O‘zbekiston 24”

Suhbat davomida Qutlimurat Panayev Germaniyada 11 yil davomida chorvachilik bo‘yicha ishlagan doktor Alisher Qurbanovni Qoraqalpog‘istonga qaytarib, unga barcha imkoniyatlarni yaratib bergani va u bugungi kunda fermada menejer lavozimida ishlayotganini aytdi.

Alisher Qurbanov yaqinda yosh fermerlar uchun o‘quv-seminarini o‘tkazishni rejalashtirmoqda.

Shavkat Mirziyoyev Alisher Qurbanovga O‘zbekistonga qaytib ishlayotgani uchun Captiva avtomobilini sovg‘a qildi.