Бугун,

  • USD 11095.31
  • RUB 173.84
  • EUR 10772.44

Сирдарё вилояти Гулистон шаҳридаги 1-сонли мусиқа ва санъат мактабида маданият соҳасида эришилган ютуқлар ва мавжуд камчиликлар таҳлилига бағишланган йиғилиш бўлиб ўтди. Бу ҳақда вилоят ҳокимлиги ахборот хизмати хабар бермоқда.

Фото: «Pix.uz»

Фото: «Pix.uz»

Унда Сирдарё вилояти ҳокими Ғофуржон Мирзаев, маданият вазирининг биринчи ўринбосари Озодбек Назарбеков, вилоятдаги болалар мусиқа ва санъат мактаби раҳбарлари ҳамда жойлардаги маданият муассасалари вакиллари иштирок этди.

Йиғилишда Озодбек Назарбеков сўзга чиқиб, бугунги кунда тўйларда миллий мусиқа санъати намуналари эмас, хорижий қўшиқлар янграётганини танқид остига олди.

Жойларда тўйларни мутахассислар, маҳалла вакиллари эмас, қандайдир номаълум ташкилотчилар бошқаряпти. Нега тўйларда миллий мусиқа ва қўшиқчилик санъатимиз дурдоналари ижро этилмаяпти? Тўйларда асосан фоно­грамма асосидаги ижроларга кенг ўрин бериляпти. Тўй – бу бизнинг асрлар оша яшаб келаётган ибратли анъана ва удумларимиз акс этадиган тадбир саналади. Тўйларга одамлар аслида тўй эгаларини қутлаш, дил истакларини билдириш, қадрдонлари, яқинлари билан дийдорлашиш, маданий ҳордиқ чиқариш учун боради. Лекин кейинги пайтларда тўйлардаги миллий қадриятларимиз йўқолиб кетяпти. Тўйларга одам­лар, айниқса, аёллар истаган кийимларида – очиқ-сочиқ либосларда боришяпти, қандайдир хорижий ёки маънавиятимизга тўғри келмайдиган, матни ғализ, тушунарсиз, замонавий қўшиқларни эшитяпти. Қисқа қилиб айтганда, тўйлар «оммавий маданият»ни тарғиб этувчи тадбирга айланиб қолмоқда. Бу нарсаларга чек қўйиш вақти келди.

Озодбек Назарбеков, маданият вазирининг биринчи ўринбосари

Изоҳ
Asosiy yangiliklar
Дунё
Туркияда депутатлар давлат бюджети муҳокамасида муштлашди (видео)
Маҳаллий
Намангандаги кўмир машмашаси: аҳоли учун кўмир сотиб олиш — оворагарчилик, раҳбарлар эса кўмирга талаб унинг сифати яхшилигидан демоқда (видео)
Маҳаллий
Тошкентда зўравонликка қарши кураш бўйича халқаро анжуман — суратларда