Футбол бўйича Испания Кубогининг нимчорак финалидан жой олган 4 та учрашув бўлиб ўтди. Шуларнинг 3 тасида янги йил танаффусидан чиққан Ла Лига клубларининг қўли баланд келди.
Мадриднинг «Атлетико» клуби чорак финал чиптасини деярли қўлга киритди. Сафардаги 4 та гол фарқи Симеоне жамоасига каттагина устунлик беради. Шу куни аргентиналик мураббий қўли остидаги асосий ҳужумчиларнинг барчаси гол урди. Торрес асосий таркибда ҳаракат қилган бўлса, Гризманн ва Коста захирадан ўйинга қўшилди.
Диего Коста январь ойидан бошлаб «Атлетико»нинг тўлақонли аъзоси сифатида майдонга тушиш имкониятига эга. Ярим мавсумни футболсиз ўтказиб юборган ҳужумчи Мадридга қайтишининг биринчи ўйинидаёқ гол ургани эътиборга молик.
Янги йил арафасида италиялик мутахассис Винченцо Монтелла «Севилья» бош мураббийи сифатида таништирилганди. Унинг илк ўйинида клуб ишончли ғалабага эга чиқди.
Кеча, шунингдек, «Алавес» футболчилари ҳам чорак финал сари илк қадамни ташлади. Ла Лиганинг икки клуби ўртасида кечган сўнгги тўқнашувдагина ғолибни аниқлаб бўлмади.
Бугун — 4 январь куни «Реал» ва «Барселона» клублари ўз ўйинларини ўтказади. Қайд этиш керак, Испания Кубогининг амалдаги эгаси «Барселона» ҳисобланади.
Испания Кубоги 1/8 финал ўйинлари 3 январь, чоршанба
«Форментера» — «Алавес» 1:3
Голлар: Эрмедин Демирович, 36 (0:1). Антонио Иллан, 57 (1:1). Эрмедин Демирович, 65 (1:2). Мунир Эл-Хаддади, 81 (1:3).«Льейда» — «Атлетико» 0:4
Голлар: Диего Годин, 33 (0:1). Фернандо Торрес, 37 (0:2). Диего Коста, 69 (0:3). Антуан Гризманн, 92+ (0:4).Четлатиш: Марк Гиль, 91+ (Л).«Лас-Пальмас» — «Валенсия» 1:1
Голлар: Хонатан Кальери, 36 (1:0). Родриго, 85 (1:1).«Кадис» — «Севилья» 0:2
Голлар: Нолито, 9 (0:1). Хесус Навас, 23 (0:2).4 январь, пайшанба«Леганес» — «Вильярреал» 23:00«Сельта» — «Барселона» 23:00«Эспаньол» — «Леванте» 01:00«Нумансия» — «Реал Мадрид» 01:00
Изоҳ (0)