Ўзбекистонда эгасиз қолган тутзорлардан миллионлаб тут кўчатлари кесиб кетилган, деб хабар беради ЎзА.
Тутзорлар хатловдан ўтказилганда қарийб 30 миллион дона тут кўчати кесилгани маълум бўлди.
«Қорақалпоғистон Республикасида қарийб уч миллион, Бухоро вилоятида сал кам олти миллион дона тут кўчати кейинги уч йилда нобоп кимсалар томонидан кесиб кетилган», — дейилади хабарда.
«Ўзбекипаксаноат» уюшмасидан олинган хабарларга кўра, ана шундай муаммога чек қўйиш учун тутзорлар «Агропилла» корхоналари балансига ўтказилмоқда. Ҳозирда улар ҳудудларда 2 миллион 400 минг дона тут кўчати экиб, 128 гектарда янги тутзорлар ташкил этди.
Изоҳ (0)