Ўзбекистоннинг Бухоро, Самарқанд, Хива ва Шаҳрисабз шаҳарларида хавфсиз туризмни таъминлаш концепцияси амалга оширилмоқда, деб хабар беради ЎзА.
Хоразм вилояти хавфсиз туризмни таъминлаш бошқармаси бошлиғи лавозимига вилоят ИИБ бошлиғининг ўринбосари, полковник Муҳаммаджон Отабоев, Бухоро вилояти хавфсиз туризмни таъминлаш бошқармаси бошлиғи лавозимига вилоят ИИБ бошлиғининг ўринбосари, подполковник Эркин Сафаров, Самарқанд вилояти хавфсиз туризмни таъминлаш бошқармаси бошлиғи лавозимига вилоят ИИБ бошлиғининг ўринбосари, подполковник Мирзохон Зубайдуллаев ҳамда Қашқадарё вилояти хавфсиз туризмни таъминлаш бошқармаси бошлиғи лавозимига вилоят ИИБ бошлиғининг ўринбосари, подполковник Азизжон Саидхўжаев тайинланди.
Бухоро, Самарқанд, Хива ва Шаҳрисабз шаҳарларида хавфсиз туризмни таъминлаш концепцияси Ўзбекистон Республикаси Вазирлар Маҳкамасининг 2017 йил 23 ноябрдаги қарори билан тасдиқланган эди.
Концепцияда мазкур вилоятлар ИИБларида хавфсиз туризмни таъминлаш бошқармалари ташкил этилиши, уларнинг бошлиқлари бир вақтнинг ўзида ИИБ бошлиқлари ўринбосарлари ҳисобланиши, шахсий таркиб эса танлов асосида, биринчи навбатда, чет тилларини биладиган ходимлар жумласидан шакллантирилиши назарда тутилган эди.
Изоҳ (0)