Эртага — 23 декабрь куни Испания Ла Лигасининг 17-турида икки азалий рақиблар — «Реал» ҳамда «Барселона» тўқнаш келади. «Сантьяго Бернабеу»да старт оладиган ўйин Тошкент вақти билан 17:00 да старт олади.
Айни вақтда «Барселона» мағлубиятсиз давом этаётган бўлиб, 42 очко билан Ла Лига пешқадами бўлиб турибди. «Реал» ҳисобидаги 31 очко билан кучли тўртликни якунлаб турибди. Клублар ўртасидаги Жаҳон Чемпионатида зафар қучган Мадрид етакчиси сафида «Эль-Класико» тўпурарларидан бири Криштиану Роналду эртанги ўйинга тайёргарлик кўраётган бўлса, каталонияликларнинг бу борадаги етакчиси Лионель Мессида ҳам вазият шундай.
Статистикага назар солинса, «Эль-Класико»да энг кўп гол уриш тарихда Лионель Мессига насиб қилган. Аргентиналик ҳужумчи фаолияти давомида «Реал»ни 24 бор жазолаган. Криштиану эса «Барселона» дарвозасига «Эль-Класико»ларда 17 та гол уришнинг уддасидан чиқа олган.
Иккинчи кўрсаткич бу борада Альфредо ди Стефанога тегишли. Афсонавий футболчига азалий рақиблар ўйинида 18 та гол уриш насиб қилган. Бу борада Роналдуда Стефанони ортда қолдириш имконияти мавжуд бўлиб турибди.
«Эль-Класико» тўпурарлари
- Лионель Месси — 24 та
- Альфредо Ди Стефано — 18 та
- Криштиану Роналду — 17 та
- Раул — 15 та
- Ференц Пушкаш — 14 та
- Сесар Родригес — 14 та
- Франциско Хенто — 14 та
Изоҳ (0)