Қирғизистон президенти Сўранбай Жээнбеков 14 декабрь куни Ўзбекистон Олий Мажлиси Қонунчилик палатаси Спикери Нуриддинжон Исмоилов билан учрашди. Бу ҳақда ЎзА хабар бермоқда.
Ўзбекистон Президенти Шавкат Мирзиёевнинг Қирғизистонга давлат ташрифи чоғида имзоланган Парламентлараро ҳамкорлик тўғрисидаги меморандум бу соҳадаги алоқаларни ривожлантиришда муҳим аҳамият касб этаётгани таъкидланди.
Сўранбай Жээнбеков 2017 йил икки мамлакат ўртасидаги муносабатлар тарихида туб бурилиш даври бўлгани, алоқаларнинг бугунги даражасини сақлаб қолиш ва изчил давом эттириш муҳимлигини қайд этди.
Тобора ривожланиб бораётган ҳамкорликнинг ҳуқуқий асосини мустаҳкамлаш мақсадида ўзаро ташрифлар ўтказиш, қонунчиликдаги янгиликлардан бир-бирини хабардор қилиб бориш юзасидан фикр алмашилди.
21 декабрда Қирғизистон Жогорку Кенеши делегациясининг Ўзбекистонга ташрифи парламентлараро алоқаларни мустаҳкамлашга хизмат қилиши таъкидланди.
Қирғизистон президенти Сўранбай Жээнбеков Ўзбекистон бош вазири Абдулла Арипов билан ҳам учрашув ўтказди.
Изоҳ (0)