UNICEF tomonidan 3-dekabr — Xalqaro nogironligi bo‘lgan insonlar kuniga bag‘ishlab “Faollashtirish” mavzusida tadbir o‘tkazildi. Bu haqda UNICEF’ning O‘zbekistondagi vakolatxonasi axborot xizmati xabar bermoqda.
Tadbirda 80 ga yaqin ishtirokchilar - nogironligi bo‘lgan bolalar, ularning ota-onalari, vazirliklar, davlat muassasalari, fuqarolik jamiyati tashkilotlari va ommaviy axborot vositalari vakillari qatnashdi.
Tadbirda turli hayot tajribasiga ega nogironligi bo‘lgan insonlar bolalik chog‘ida uchragan to‘siqlarni qanday yengib o‘tgani hamda nogironligi bo‘lgan farzandni katta qilishning o‘ziga xos xususiyatlari haqida fikr bildirdi.
Ma’ruzachilar nogironligi bo‘lgan bolalarga yetarli darajada xizmatlar ko‘rsatilmasligini, ularga achinish yoki undan ham yomoni — kamsitish va xo‘rlash obyektlari sifatida qaralishini aytib o‘tdi.
Jamiyatdagi har bir insonning, jumladan hukumatlar, ish beruvchilar, jamoat tashkilotlari, ota-onalar uyushmalari va xalqaro tashkilotlarning Bola huquqlari to‘g‘risidagi konvensiyaning va Nogironligi bo‘lgan insonlar huquqlari to‘g‘risidagi konvensiyaning tamoyillarini amalga oshirishda o‘z o‘rni bor. Barcha bolalar e’tiborga olinmas ekan, jamiyat adolatli bo‘la olmaydi. Nogironligi bo‘lgan bolalar borasida ma’lumotlar to‘planib, ular tahlil qilinganidagina bu bolalarning manfaatlari hisobga olinadi.Sasha Graumann, UNICEF’ning O‘zbekistondagi vakolatxonasi rahbari
Izoh (0)