АҚШнинг Шимолий Каролина штати университети олимлари кран сувидан воз кечиш болаларда кариес хавфининг ошишига имкон беришини аниқлади. Шу билан бирга, кран сувини ичиш қондаги қўрғошин миқдори ошишига олиб келади. Бу ҳақда MedicalXpress сайтида эълон қилинган пресс-релизда айтилади.
Мутахассислар 2005—2014 йилларда 2—19 ёшдаги 16 минг нафар болалар ва ўсмирларнинг саломатлигини ўрганиб чиқди. Кўнгиллилар диетологик анкеталарни тўлдирди, стоматологик кўрикдан ўтди ва таҳлил учун қон топширди. Олинган маълумотлар организмдаги оғир металлар миқдорини, шунингдек, кариеснинг қанчалик даражада юзага келиши ва кран сувининг истеъмол қилинишини ўз ичига олди.
Болаларнинг тахминан 3 фоизида қонда қўрғошин миқдори юқори эканлиги аниқланди. Иштирокчиларнинг 49,8 фоизида турли оғирликда кариес бор бўлиб чиқди. Шу билан бирга, болаларнинг қарийб 15 фоизи крандан сув ичмаслигини айтди. Улар учун кариеснинг юзага келиши хавфи юқори, аммо уларнинг қонида қўрғошин миқдори паст бўлиб чиқди.
Кариес билан касалланиш эҳтимолининг пасайиши кран сувига фторидлар (фторнинг кимёвий бирикмаси) қўшилиши билан боғлиқдир.
Изоҳ (0)