Европа Чемпионлар Лигаси гуруҳ босқичини 3-ўринда якунлаган Москванинг «ЦСКА» клуби халқаро майдондаги юришини Европа Лигасида давом эттиради.
«Олд Траффорд»га ташриф буюрган россиялик футболчилар 1:2 ҳисобида имкониятни бой берди. Гарчи ҳисоб меҳмонлар томонидан очилган бўлса-да, Жозе Моуриньо жамоаси ўйин якунига қадар ўзига керакли натижани қайд эта олди ва гуруҳни 15 очко билан пешқадам сифатида якунлади.
«Манкунианлар» фақатгина 1 та беллашувда — Швейцарияда «Базель»дан енгилди. Қолган барча беллашувларда зафар қучди. Ўз навбатида «Базель» ўзига билдирилган ишончни тўла оқлади, дейиш мумкин. Гуруҳдан чиқа олмаслиги тахмин қилинган Швейцария етакчиси, якунда 12 очко жамғаришга муваффақ бўлди. «Юнайтед»дан кейин энг кучли дея эътироф этилган «Бенфика» дарвозасига «Базель» 2 та ўйинда жавобсиз 7 та гол уришни уддалай олди.
Европа Чемпионлар Лигаси «А» гуруҳи. 6-тур ўйинлари 5 декабрь, сешанба
«Манчестер Юнайтед» — «ЦСКА» 2:1
Голлар: Витиньо, 45 (0:1). Ромелу Лукаку, 64 (1:1). Маркус Рэшфорд, 66 (2:1).«Бенфика» — «Базель» 0:2
Голлар: Муҳаммад Элюнусси, 5 (0:1). Димитри Оберлен, 65 (0:2).
Изоҳ (0)