Европа Чемпионлар Лигасининг «D» гуруҳида иштирок этган Каталониянинг «Барселона» клуби плей-оффга пешқадам сифатида йўл олди.
Сўнгги турда «Спортинг»ни қабул қилган «Барса» 2:0 ҳисобида зафар қучди. Португалия клубига қадар каталонияликлар шарафини ҳимоя қилган ҳимоячи Жереми Матьо беллашувда ўз дарвозасига гол уриб, собиқ жамоадошларига қарашиб юборди. Шу тариқа Эрнесто Вальверде жамоаси гуруҳ босқичини мағлубиятсиз якунлади.
«Ювентус» эса Грецияда ишончли ғалабага эришди ва навбатдаги босқичга йўл олди. «Спортинг» энди ўз омадини Европа Лигасида синаб кўради.
Европа Чемпионлар Лигаси «D» гуруҳи. 6-тур ўйинлари 5 декабрь, сешанба
«Барселона» — «Спортинг» 2:0
Голлар: Пако Алькасер, 59 (1:0). Жереми Матьо, 91+ авт (2:0).«Олимпиакос» — «Ювентус» 0:2
Голлар: Хуан Куадрадо, 15 (0:1). Федерико Бернардески, 90 (0:2).
Изоҳ (0)