Буюк Британияда ўтказилган сўров иштирокчилари барча замонларнинг энг зерикарли фильмларини аниқлади. Бу ҳақда «Газета.ru» хабар бермоқда.
Шорт-листни етакчи кинотанқидчилар тузиб чиқди, сўнг унинг асосида сўров ўтказилди.
Биринчи ўринни «Кулрангнинг эллик туси» (2015) фильми 34 фоиз овоз билан эгаллади.
Иккинчи ўринни — «Блэрлик жодугар» (1999) 29 фоиз овоз билан банд этди. Учинчи ўрин соҳиби — «Юлдузли жанглар: 1-саҳна — Яширин таҳдид» (1999) 26 фоиз овоз олди.
Рўйхатга, шунингдек, «Букри тоғ», «Трансформерлар», «Почтачи», «Артист», «Австралия», «Ванил осмон» ва «Тибетда етти йил» фильмлари кирди.
Изоҳ (0)