UFC вакили Конор МакГрегорнинг боши учун 900 минг доллар мукофот пули эълон қилинди. Бу ҳақда Daily Mail нашри хабар берди.
Ирландиядаги ресторанларнинг бирида жанжал келиб чиққан бўлиб, МакГрегор дўстини ҳимоя қилиш учун ўзининг шафқатсизлиги билан ном қозонган Кинэн мафиясига тегишли икки кишини дўппослаган. MMA устаси аввалига Райан Бернни, кейинроқ 50 ёшли Грэм Уиланни калтаклаган.
Спортчининг бу иши мафияга умуман ёқмади. UFC’нинг собиқ вакилларидан бири Брендон Шаубнинг маълумот беришича, Кинэн жиноятчилари МакГрегорнинг боши учун 900 минг доллар мукофот пули эълон қилган. Бу жазодан омон қолишнинг ягона йўли, ўз боши учун тикилган пулни мафияга товон сифатида тўлаб беришдир.
Конор бу ҳақда эшитганида ўз хотиржамлигини сақлаб қолди ва фақатгина «майли, келишсин ва мени ўлдиришга уриниб кўришсин», — дея жавоб қайтарди. Ирландиядаги криминал ишлар бўйича эксперт, ўзининг бу борадаги бир қатор чиқишлари билан ном қозонган Пол Уильямс МакГрегорга 48 соат ичида Дублинни тарк этишни маслаҳат берди. Унинг фикрича, Кинэн мафияси жуда бемеҳр ва айтганидан қайтмайди. Конор жуда хавфли одамлар билан юзлашиб қолган. Керак бўлса мафия спортчини шунчаки отиб ҳам кетаверади.
Айрим нашрларнинг ёзишича, МакГрегор Флойд Мейвезерга қарши жангдан кейин ўз аҳлоқи ҳақида қайғураётгани йўқ. У яқиндагина Bellator 187 доирасида дўстининг ғалабасини нишонлаш учун октагонга югуриб чиққан ва ҳакам билан уришиб кетганди.
Мейвезерга қарши рингга чиққан МакГрегор тахминан 30 миллион доллар ишлаб олганди.
Изоҳ (0)