Бугун — 1 декабрь куни футбол бўйича Жаҳон Чемпионати беллашувларига қуръа ташлаш маросими бўлиб ўтади. Унга Москва шаҳридаги Кремль саройи мезбонлик қилади.
Тошкент вақти билан 20:00 да старт оладиган маросимни UzReport ва Futbol-TV телеканаллари бир вақтда жонли намойиш қилади. Телеканал раҳбарияти қуръа ташлаш маросимини трансляция қилиш ҳуқуқи сотиб олингани ҳақида маълумот берди.
Аввалроқ Sport-TV ҳам қуръа маросимини жонли кўрсатиши борасида ижтимоий тармоқларда маълумот пайдо бўлганди. Бироқ UzReport қуръанинг Ўзбекистон учун эксклюзив ҳуқуқини харид қилгач, Sport-TV қуръа маросими кадрларидан фойдаланиш ҳуқуқидан маҳрум бўлган.
«Дарё»нинг Sport-TV каналидаги манбаси қуръа 20:00 да кўрсатилиши ҳақида айтиб ўтди. Унга кўра, телеканалда студия ташкил қилинади ва журналистлар маросим ҳақида суҳбатда бўлади. Қуръа кадрлари эса орқа фонда кўрсатилади.
ЖЧ—2018 беллашувларини намойиш қилиш ҳуқуқи ҳозиргача Ўзбекистоннинг ҳеч бир канали томонидан харид қилинмаган. Бу борада ҳам UzReport ва Sport-TV каналлари рақобат ҳосил қилади.
Изоҳ (0)