Франциянинг «ПСЖ» клуби Чемпионлар Лигаси гуруҳ босқичида кетма-кет бешинчи йирик ғалабасини тантана қилди.
Унаи Эмери бошчилик қилаётган парижликлар 1-даврани фақат йирик ғалабалар билан якунлагач, 2-давра қандай кечиши борасида саволлар пайдо бўлганди. Кўринмоқдаки, «ПСЖ» янада кўпроқ гол урмоқда. Хусусан, 1-давра «Андерлехт» дарвозасига жавобсиз 4 та гол урган Париж етакчиси, 2-давра 5:0 ҳисобида муваффақият қозонди. 1-давра Шотландияда «Селтик» дарвозасига жавобсиз 5 та гол урган французлар, бу сафар 7:1 ҳисобида зафар қучишди. 1-давра Мюнхеннинг «Бавария» клуби 3:0 ҳисобида таслим қилинганди. Хўш, навбат «Бавария»гами? Жавоб ўйини 5 декабрь куни Германияда бўлиб ўтади.
Шу тариқа Чемпионлар Лигасининг гуруҳ босқичида 100 фоизлик натижа қайд этиб турган фақатгина 2 та клуб қолди — «Манчестер Сити» ва «ПСЖ». Бунда парижликлар «шаҳарликлар»дан деярли икки баробар кўпроқ гол урганини ҳисобга олиш керак.
Мазкур гуруҳдаги иккинчи ўйинда Юпп Хайнкеснинг «Бавария»си Бельгиядан 3 очко билан қайтди. «Бавария» Парижда мағлуб бўлганида, клубни Карло Анчелотти бошқарарди. Ва айнан ўша учрашувдан кейин италиялик мутахассисга чиқиш эшикларини кўрсатиб қўйилганди. Хайнкес ташрифидан кейин «Бавария» йўқотишларсиз кетмоқда. 5 декабрь куни клуб ҳақиқий синовни бошдан кечиради.
Европа Чемпионлар Лигаси «B» гуруҳи. 5-тур ўйинлари 22 ноябрь, чоршанба
«ПСЖ» — «Селтик» 7:1
Голлар: Мусса Дембеле, 2 (0:1). Неймар, 9 (1:1). Неймар, 22 (2:1). Эдинсон Кавани, 28 (3:1). Килиан Мбаппе, 35 (4:1). Марко Верратти, 75 (5:1). Эдинсон Кавани, 79 (6:1). Даниэль Алвес, 81 (7:1).«Андерлехт» — «Бавария» 1:2
Голлар: Роберт Левандовски, 51 (0:1). Софьян Анни, 63 (1:1). Корентен Толиссо, 77 (1:2).
Изоҳ (0)