«Мотор» ўзининг ўлчами ва нархи бўйича кўпчиликнинг ҳайратига сабаб бўлувчи автомобиль шиналари ҳақида маълумот тўплаб тақдим этди.
Kumho ECSTA SPT KU31 Series 15
Kumhо компанияси томонидан 2008 йилда тақдим этилган шина рекорд даражада қуйи профил ҳамда ҳайратланарли кенгликка эга — покришка кенглиги 385/15 R22. Бу каби покришкалар спорт автомобилларида, жумладан, Dodge Viper SRT10 ёки Chevrolet Corvette Z06’ларда фойдаланиларди. Ҳозирда бу каби шиналарнинг нархи 1000 доллар атрофида.
Pirelli P Zero Nero
Агарда гап фақатгина шинанинг эни ҳақида кетса, бу борада Pirelli P Zero Nero — 405/25 ЗR24 биринчиликни эгаллайди. Бу каби шиналар асосан пойга шоуларида иштирок этадиган автомобилларда ишлатилади, шунга қарамай ундан ҳар кунги ҳаракатда фойдаланиш мумкин. Нархи ҳам шунга яраша — камида 450 доллар.
Mease’s Custom Car Accessories
Mease’s Custom Car Accessories тюнинг контораси реклама йўлида Oldsmobile Cutlass’га ўзлари ишлаб чиқарган 50 дюймли 4-авлод ғилдирак дискларидан (шиналари билан бирга) бошқа яхшироқ нарса ўйлаб топмаган. Резинанинг ҳаракатланишдаги хусусияти ҳақида ҳеч нарса маълум эмас.
Firestone Tundra
Боб Чандлер ўзининг BigFооt автомобилига баландлиги 3 метр келадиган Firestone Tundra шиналарини ўрнатган (умумий ўлчамиз — 120 х 48 х 60 дюйм). Ушбу шиналар эркин савдода ҳеч қачон пайдо бўлмаган — Чандлер уни иккиламчи бозордан сотиб олган.
Michelin XDR
Michelin XDR дунёда серияли ишлаб чиқариладиган энг катта шина бўлиб, у асосан, Catepiller 797B каби карьер самосвалларида фойдаланилади. Унинг бир донаси 55 минг доллар туради. Ўлчамлари — эса 59/80 Р63. Соддароқ қилиб айтганда, баландлиги 4,3 метр, оғирлиги 4,7 тонна.
Bridgestone VRPS
Bridgestone ўзининг VRPS моделини дунёдаги энг катта карьер самосвали — «БелАЗ-75710»га етказиб беради. Унинг баландлиги 4,02 метр бўлиб, оғирлиги 6 тонна. Нархи эса 42,5 минг доллар туради.
Uniroyal Giant Tire
Расман дунёдаги энг катта шина, бироқ ҳеч қачон ўз вазифаси бўйича қўлланилмаган. Унироял улкан покришкасининг баландлиги 24 метр бўлиб, кучайтирилган шиша толали полиэстер, пўлат ва бетондан 1964 йилда Нью-Йоркдаги Халқаро ярмаркада яратилган.
Изоҳ (0)