Футбол бўйича Ливан миллий терма жамоаси тарихда илк бор Осиё Кубогига йўлланма олди. Эндиликда ливанлик футболчилар 2019 йилнинг январь ойида Амирликларга ташриф буюриб, Осиё тахти учун курашда бўлади.
Бунгача Ливан бирор марта бўлсин Осиё Кубогининг саралаш босқичини муваффақиятли босиб ўта олмаганди, деб ёзди «Championat.asia». 2000 йил Ливан Осиё Кубогини ўзида қабул қилган ва мезбонлиги учун ҳам саралашдан озод этилганди.
Бу муваффақиятга Ливан термаси сербиялик Миодраг Радулович бошқарувида эришди. У термани 2015 йилнинг бошида қабул қилиб олганди. Шундан кейин Ливан 13 та расмий ўйинда иштирок этиб, шуларнинг 6 тасида зафар қучди ва 7 тасида дуранг ўйнади. Радулович мураббий бўлгач, Ливан мағлуб бўлмади.
Мазкур мутахассис 2010 йилнинг январидан бошлаб то апрелига қадар Тошкентнинг «Пахтакор» клубига ҳам устозлик қилган.
Изоҳ (0)