АҚШ Конгресси собиқ президентларга тўланадиган пенсия ҳажмини қисқартиришга қаратилган қонун лойиҳасини маъқуллади. Бу ҳақда «Коммерсант.ru» хабар бермоқда.
Айтилишича, ушбу қонун қабул қилинишига ҳозирги президентлар миллионлаб маош олаётгани, уларга моддий ёрдам керак эмаслиги билан боғлиқ вазият сабаб бўлди.
Қонун лойиҳаси муаллифларининг фикрича, собиқ президентлар оммавий маърузалар ва китоблар ёзиш ҳисобига катта даромад кўриши мумкин.
«Бундай имкониятлар борлиги туфайли собиқ президентларга 1958 йили ўйлангани каби солиқ тўловчилар ҳисобидан ёрдам беришга эҳтиёж йўқ», — деди лойиҳа муаллифи, Жоржия штатидан сайланган конгрессмен Жоди Хайс.
1958 йили қабул қилинган қонунга мувофиқ, собиқ президентлар ҳар йили олти катакли сондан иборат пенсия, шунингдек, ходимларининг маоши, хизмат хоналари ва бошқа харажатлари учун ёрдам олиш ҳуқуқига эга.
Изоҳ (0)