АҚШ Конгресси вакиллар палатаси мамлакат қуролли кучларига Ямандаги можарога аралашишга рухсат бермагани билдирилган резолюцияни қабул қилди. Бу ҳақда «ТАСС» хабар бермоқда.
Ҳужжатни 366 нафар конгрессмен қўллаб-қувватлади, 30 киши қарши чиқди.
«Конгресс Ямандаги фуқаролар урушида иштирок этаётган томонларга қарши ҳарбий куч ишлатишга рухсат берувчи қонунчилик актлари қабул қилмаган. Биз тинч аҳоли ўртасида қурбонлар бўлишининг олдини олиш учун барча зарур чоралар кўриш ва гуманитар ёрдамдан фойдаланиш имкониятини кенгайтиришга чақирамиз», — дейилади резолюцияда.
Ҳужжат муаллифларидан бири демократ Ро Ханнга кўра, қонун чиқарувчилар АҚШ маъмуриятига Ироқ ва Афғонистондаги каби ҳарбий куч ишлатишга ижозат бермаган. Бироқ Вашингтон Ар-Риёдга разведка маълумотлари ва исёнчи-хусийларга қарши курашда кўмак берадиган бошқа ёрдамлар кўрсатмоқда.
Изоҳ (0)