Россия мусулмонлари диний бошқармаси мамлакат мактабларида «Диний маданият асослари ва дунёвий ахлоқ» фани 4-синфдан 11-синфга қадар ўқитилишини таклиф этди. Бу ҳақда Россия мусулмонлари диний бошқармаси бошлиғи ўринбосари Дамир Муҳитдинов маълум қилди, деб хабар беради Meduza.
Ҳозирда «Диний маданият асослари ва дунёвий ахлоқ» курси Россия мактабларида бир ўқув йилига мўлжалланган — ушбу фан фақат 4-синфда ўтилади.
Муҳитдиновнинг сўзларига кўра, аввалига курсни бешинчи синфгача узайтириш, «кейин эса ўрта мактабнинг барча синфларини қамраб оладиган йўлдан бориш» таклиф этилмоқда.
5-синфлар учун ислом маданияти асосларини ўргатиш бўйича дарслик ва ўқув қўлланмаларини жорий йилнинг охиригача тайёрлаш, кейинги йилда эса бу каби таклифни Таълим ва фан вазирлигига йўналтирилиш режалаштирилмоқда.
Мусулмонлар диний бошқармаси «Диний маданият асослари» курсини кенгайтириш имкониятини бошқа дин вакиллари, жумладан, ушбу фанни ўрта мактабнинг 1-синфидан 11-синфигача ўтилишини таклиф қилган Рус православ черкови билан ҳам муҳокама қилишни режалаштирган.
Изоҳ (0)