12 ноябрь, якшанба куни Эрон ва Ироқ чегарасида содир бўлган зилзила қурбонлари сони 445 кишига, жароҳат олганлар сони эса 7156 кишига етди. Бу ҳақда Tasnim агентлигига таяниб, «Корреспондент.net» хабар берди.
Эрон ҳукумати 14 ноябрь, сешанба куни бутун мамлакат бўйлаб мотам эълон қилди. Табиий офатдан энг кўп зарар кўрган Кирмоншоҳ вилоятида эса марҳумлар хотирасига уч кун мотам тутилади.
Асосий қутқариш операциялари бугун якунланиши кутилмоқда.
Ироқ Ички ишлар вазирлигида маълум қилинишича, ер ости силкиниши оқибатида мамлакатда етти киши ҳалок бўлган ва 321 киши жароҳат олган.
Муқаддам қурбонлари сони 400 кишидан ошгани, 6,7 мингдан ошиқ одам жабрлангани хабар қилинган эди.
Изоҳ (0)