«Бойқўнғир» мажмуасининг 12 минг гектарга яқин ҳудуди Россия ижарасидан чиқарилди ва Қизилўрда вилоятига берилди. Мажмуани ижарага бериш шартномасига тегишли ўзгартиришлар XIV Россия ва Қозоғистон ҳудудлараро ҳамкорлиги форумида имзоланди, деб ёзади «ТАСС».
Протоколни «Роскосмос» давлат корпорацияси бош директори ўринбосари Александр Иванов ва Қозоғистон қишлоқ хўжалик вазири биринчи ўринбосари Кайрат Айтуганов имзолади.
Ҳужжатга мувофиқ, Акай ва Торетам қишлоқлари яқинидаги 11,6 минг гектар ер Россия ижарасидан чиқарилиб, унда ижтимоий-иқтисодий инфратузилмани янада ривожлантириш учун Қизилўрда вилоятига берилди.
Шунингдек, Россия ва Қозоғистон ўртасида «Бойқўнғир» мажмуасида ишлаб, Акай ва Торетам қишлоқларида ишлайдиган қозоғистонликларга тиббий хизматларни кўрсатиш тизимини такомиллаштиришни кўзда тутувчи протокол имзоланди.
Изоҳ (0)