БМТ АҚШ ҳарбий хизматчиларига Сурия ҳудудига киришга рухсат берган. АҚШ мудофаа вазири Жеймс Мэттис Пентагонда журналистлар билан суҳбатда шундай даъво қилди, дея хабар беради «ТАСС».
«БМТ, моҳиятини олиб қараганда, ИШИДни таъқиб қилишимиз мумкинлигини билдирди. Шу сабабли уларни йўқ қилиш учун Сурияда бўлиб турибмиз», — деди Мэттис АҚШда мазкур давлат ҳудудида қўшинларини жойлаштириш учун қонуний асослар борлиги ҳақидаги саволга жавобан.
У халқаро ташкилотнинг қайси резолюцияси ҳақида гап кетаётганига аниқлик киритмади.
Пентагон раҳбари АҚШ ҳарбий хизматчилари Сурияда вазиятни изга солиш бўйича Женева жараёни муваффақиятга эришмагунча мамлакатни тарк этмаслигини билдирди. Мэттисга кўра, бу ИШИД янги кўринишда қад ростлашига имкон бермаслик учун зарур.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)