Евроиттифоқ Жануби-Шарқий Осиё давлатлари ассоциацияси (AСЕАН) мамлакатлари билан ҳамкорликни қўллаб-қувватлаш учун 2 миллиард евродан кўпроқ маблағ ажратади. Бу ҳақда мазкур тузилманинг Филиппин пойтахти Манилада бўлиб ўтаётган саммитида иштирок этаётган Европа кенгаши раиси Дональд Туск маълум қилди, дея хабар беради «ТАСС».
Тускка кўра, Евроиттифоқ AСЕАНнинг ўзаро савдо ҳажми бўйича иккинчи шериги ва йирик хорижий инвестор саналади.
«Европаликлар келгусида янада самарали муваффақият қозониш ва имкон қадар кўпроқ кишиларга ёрдам бериш учун бор имкониятни ишга солишга интилмоқда. Шу сабабли Евроиттифоқ AСЕАН билан кооперацияни ривожлантириш ва тузилма интеграциясини қўллаб-қувватлаш фондларини икки баробар кўпайтиради. Қолаверса, ассоциациянинг барча давлатлари билан икки томонлама ҳамкорликка 2 миллиард евродан кўпроқ маблағ йўналтирилади», — дейилади Европа кенгаши раиси баёнотида.
Изоҳ (0)