Қашқадарё вилояти ички ишлар идоралари ходимлари томонидан жойларда жиноятчилик ва ҳуқуқбузарликларнинг олдини олишга қаратилган профилактик тадбирлар ўтказилмоқда. Бу ҳақда ЎзА хабар бермоқда.
Хонадонларни ўрганиш жараёнида 758 нафар фуқаронинг ҳуқуқбузарлик содир этгани аниқланиб, маъмурий тартибда чоралар кўрилди. Маъмурий назорат қонуни таъсири остига тушувчи 2 нафар илгари судланган шахсга нисбатан маъмурий назорат ўрнатилди.
Суриштирув ишлари давомида олинган маълумотлар асосида қидирувдаги жиноятчилар яширинган жойлар текширилганда ЖКнинг 168-моддаси 1-қисмида кўрсатилган жиноятни содир қилгани учун Миришкор тумани ИИБ томонидан қидирувда бўлган Ш.Ҳ қўлга олинди.
Ўрганишлар давомида дарс машғулотларига сабабсиз қатнашмаётган ўқувчиларнинг ота-оналарига таълим мажбурий экани тушунтирилди. 36 нафар ота-онага нисбатан ҳужжат расмийлаштирилиб, сабабсиз дарс машғулотларига қатнашмаётган 266 ўқувчи таълимга қайтарилди.
Паспорт-виза тадбири доирасида 39 нафар доимий ёки вақтинча яшаш тартибини бузган ва бошқа қоидабузарликлар содир этган 138 нафар фуқарога нисбатан маъмурий баённома тузилди.
Вилоят ҳудудида яшовчи 241 нафар фуқаролиги бўлмаган шахс, 39 нафар хорижий фуқаро, 32 нафар МДҲ давлатларидан келиб вақтинчалик паспорт рўйхатидан ўтиб яшаётган фуқаро текширилиб, уларга Ўзбекистон Республикасида бўлиш, турар жой танлаш тартиб-қоидалари тушунтирилди.
Вилоят ҳудудида доимий паспорт рўйхатидан ўтган 1239 фуқаро номига янги биометрик паспорт расмийлаштириш учун электрон талабнома шакллантирилди. 1456 биометрик паспорт ўз эгаларига топширилди. 188 нафар 16 ёшга тўлган биринчи марта биометрик паспорт олаётган ўсмирга ҳам электрон талабнома шакллантирилди.
Изоҳ (0)