Жанубий Корея ва Колумбия термалари ўртасидаги ўртоқлик ўйинида меҳмонлар футболчиси Эдвин Кардона ирқчилик руҳидаги ҳаракати билан ёдда қолди. Бу ҳолат ФИФА томонидан кўриб чиқилиши катта эҳтимол.
Осиё етакчилари ФИФА кунларида номдор рақибларга қарши ўйнамоқда. Ўзбекистон-чи?
ЖЧ—2018 чиптасини қўлга киритган бу мамлакатлар 10 ноябрь куни Кореяда ўзаро ўртоқлик ўйини ўтказди ва беллашув мезбонларнинг 2:1 ҳисобидаги ғалабаси билан якунига етди. 24 ёшли футболчи ўйиннинг 2-бўлимида асабларини жиловлай олмади ва кореяликларнинг устидан очиқчасига кулди.Ҳар икки жамоа футболчилари ўртасида жанжал келиб чиққанди. Эдвин Кардона бунда рақиб футболчисига қараб, қўллари билан кўзларини кичрайтириб кўрсатди ва бу билан унинг устидан кулишга уринди. ФИФА ирқчиликнинг ҳар қандай кўринишига қарши бўлгани учун, бу ҳолат ижтимоий тармоқларда кенг муҳокама этила бошланди.
Етмаганига, Колумбия телевидениеси ҳам бу ишни такрорлади. Дастурларнинг бирида журналист ва иштирокчилар кўзларини худди шу кўринишга келтирди.
14 ноябрь куни Колумбия термаси ўртоқлик ўйинида Хитойга қарши саф тортади. Хитойликлар Кардонани қандай кайфиятда кутиб олишини вақт кўрсатади.