Испаниялик судья Кармен Ламела ҳозирда Бельгияда бўлиб турган Каталония етакчиси Карлес Пучдемон ва унинг 4 сафдошини ҳибсга олиш учун Европа миқёсидаги ордер берди. Бу ҳақда «РБК» маълум қилди.
Бунга Пучдемон бошчилигидаги Каталония сиёсатчиларининг суд йиғилишига келишдан бош тортгани сабаб бўлди.
2 ноябрь, пайшанба куни бу борадаги тегишли сўров билан миллий суд коллегиясига Испания давлат прокурори Мигель Карбальо мурожаат қилди. Унга кўра, суд йиғилишига келмаслик нафақат Испания, балки Европанинг бошқа давлатларида ҳам қонун бузилиши ҳисобланади.
Шу билан бирга, Карбальо Каталония етакчиси адвокатининг Пучдемон видеоалоқа ёрдамида кўрсатма бериши ҳақидаги таклифини рад этди.
Изоҳ (0)