«Потребитель.уз»: ахлаттепалар Чимён тоғлари манзарасини тўсиб қўйди (фото)

Facebook’даги «Потребитель.уз» гуруҳи тоғли зоналарнинг маиший ахлат билан ифлосланганлиги масаласини яна кўтариб чиқди. Ахлатни дам олувчилар, яқин орадаги дала ҳовлида яшовчилар табиий зоналарга ташламоқда.

Гуруҳ аъзолари ўзлари гувоҳ бўлган ачинарли манзаралар суратлари билан бўлишди. Улардан бирида Чорвоқ сув омбори ортидаги тоғларда тўпланиб қолган чиқиндиларни, бошқасида Белдерсой ва Чимён ўртасидаги асосий йўлдан 200 метр нарида юзага келган ахлаттепани кўриш мумкин.

«Катта жарималар тизимини жорий қилиш ва қоидабузарларни аниқлаш вақти келди», — деган хулосага келди гуруҳ фойдаланувчилари.