2016 йилда 15 мингга яқин беш ёшгача бўлган бола, жумладан, 7 минг нафар чақалоқ ҳар куни ҳалок бўлган. Бу ҳақда БМТ агентликлари томонидан тайёрланган ҳисоботда маълум қилинди, деб хабар берди «ТАСС».
Ҳисоботга кўра, 2016 йилда беш ёшгача бўлган болаларнинг ҳалок бўлишини энг кам кўрсаткичи қайд этилган — 5,6 миллион. Мисол учун, 2000 йилда ушбу кўрсаткич 9,9 миллионни ташкил этган. Шу билан бирга тадқиқотчиларнинг қайд этишича, сўнгги 16 йил ичида янги туғилган чақалоқларнинг нобуд бўлиш кўрсаткичи 41 фоиздан 46 фоизга қадар ўсган. БМТ маълумотларига кўра, 30 фоиз чақалоқнинг ўлимига ҳомиладорлик ва туғуруқдаги асоратлар сабаб бўлган.
БМТ агентликлари тақдим этган маълумотларга кўра, болалар ўлимининг нисбатан юқори даражаси иккита минтақада кўроқ кузатилган: Жанубий Осиё ( 2016 йилда ҳалок бўлганларнин 39 фоизи) ва Африка (38 фоиз). Шунингдек, бу каби юқори кўрсаткичларни Ҳиндистон (24 фоиз), Покистон (10 фоиз), Нигерия (9 фоиз), Конго Демократик Республикаси (4 фоиз) ва Эфиопия (3 фоиз) қайд этган.
Ҳисобот муаллифларининг таъкидлашича, агарда шундай давом этадиган бўлса, 2017 йилдан 2030 йилга қадар беш ёшгача бўлган 60 миллион бола ҳалок бўлади, уларнинг 30 миллионини янги туғилган чақалоқлар ташкил этади.
БМТнинг Болалар жамғармаси бўлимининг раҳбари Стефан Свартлинг-Питерсон юқоридаги янги маълумотларга изоҳ берар экан, 2000 йилдан буён 5 ёшгача бўлган 50 миллион боланинг ҳаёти сақлаб қолинганини қайд этди.
Тадқиқотчиларнинг ҳисоблашича, агарда барча давлатлар ривожланган мамлакатлардаги каби болалар ўлими кўрсаткичига эга бўлса, ўлим ҳолатининг 87 фоизидан қочиш мумкин бўларди.
Изоҳ (0)