Полициячилар Россия пойтахтидаги Новослободская кўчасида эркак кишини ўлдиришда гумон қилинаётган шахсни қўлга олди. Бу ҳақда «Москва» шаҳар янгиликлари агентлигига ҳуқуқ-тартибот идораларидаги манба маълум қилди.
«16 октябрь, душанба куни Новослободская кўчасидаги 5-уй ҳовлисида Infiniti машинаси ёнида шу уйда истиқомат қилувчи 38 ёшли эркакнинг жасади топилди. У боши, кўкраги, орқаси ва қўлидан 6 та ўқ еганлиги аниқланди. Машина Чеченистонда туғилиб-ўсган 33 ёшли аралаш яккакурашлар жангчисига тегишли бўлиб, уни қисқа муддатга бошқа кишига бериб турганди», — деди агентлик манбаси.
Тергов гумонланувчи Подольскда яшовчи истеъфодаги ИИВ подполковниги эканлигини аниқлади. Қотилликка йўл талашиш туфайли қўл урилган: ўтиш йўлини бўлишолмаган зобит қасд олишга қарор қилди.
Ичкиликка ружу қўйган подполковник танишидан вақтинча олинган йўлтанламасни ўзиники сифатида кўрсатиб келгани маълум бўлди.
Изоҳ (0)