Бугун,

  • USD 11095.31
  • RUB 173.84
  • EUR 10772.44

ЎФФ президенти Умид Аҳмаджонов Қатар Футбол Уюшмаси президенти таклифига кўра Доҳада бўлиб турибди. Бу ҳақда ЎФФ матбуот хизмати хабар берди.

Фото: ЎФФ

Фото: ЎФФ

Ташрифдан кўзланган асосий мақсад — ҳар икки федерация ўртасида ҳамкорлик меморандуми имзолашдир. Бу Аҳмаджоновнинг футболдаги учинчи расмий ташрифи бўлди. Бунгача раҳбар ФИФА президенти Жанни Инфантино ва БАА ФА президенти билан ҳамкорлик масалаларида келишиб олганди.

Кеча — 16 октябрь куни Аҳмаджонов машҳур Aspire футбол академиясига ташриф буюриб, ҳақиқий академия қандай бўлиши кераклиги борасида тасаввурга эга бўлди. Ўзининг тан олиб айтишича, Қатардаги академия унда катта таассурот қолдирган. Шу боисдан ҳам Қатар ва Ўзбекистон болалар-ўсмирлар футболини ривожлантириш борасида ўзаро ҳамкорлик қилади.

Фото: ЎФФ

Фото: ЎФФ

Аҳмаджоновга қатарликлар ташриф доирасида Aspetar спортга ихтисослашга тиббиёт марказини ҳам кўрсатди. Айтилишича, ЎФФ президенти унинг Ўзбекистон футболига фойдали жиҳатларини ўрганишга муваффақ бўлган.

Фото: ЎФФ

Фото: ЎФФ

Бугун — 17 октябрь куни Аҳмаджонов Қатар ФУ президенти Шайх Ҳамад ибн Ҳалифа Аҳмад Ат-Таний билан учрашади. Икки ташкилот раҳбарлари бу борада меморандум имзолайди.

Аҳмаджоновнинг БАА ФА билан меморандумига кўра, Ўзбекистон Кубогининг «Бунёдкор» ва «Локомотив» клублари ўртасидаги финалини Амирликлардан ташриф буюрадиган ҳакамлар бригадаси бошқариб боради.

Изоҳ
Асосий янгиликлар
Маҳаллий
Саудиялик тадбиркор Ўзбекистонда автомашина эҳтиёт қисмлари ишлаб чиқаришга сармоя киритади 
Маҳаллий
1000 доллар ойлик олаётган ўқитувчилар, 1 млн нафардан ошган талабалар, янги қурилган 27 та ТТЖ — олий таълим вазири ўринбосари Комилжон Каримов билан эксклюзив су...
Маҳаллий
Тошкентда 3 та машина иштирокида ЙТҲ содир бўлди