Эрон ядро дастури бўйича келишувни фақат ундаги камчиликларни йўқотишга қаратилган тузатишлар киритиш йўли билан кучда сақлаб қолиш мумкин. Бу ҳақда Исроил бош вазири Биньямин Нетаньяху Fox News телеканалига берган интервьюсида маълум қилди, дея хабар беради «ТАСС».
Нетаньяхуга кўра, АҚШ президенти Дональд Трамп томонидан эълон қилинган Теҳронга нисбатан янги стратегиянинг асосий мақсади ҳам шундан иборат.
Келишувнинг бошқа иштирокчилари Трампнинг баёнотига эҳтиёткорлик билан муносабат билдираётгани эса «келишувни ўзгартириш уни бекор қилиш билан тенглиги» ҳақидаги хато хулоса билан боғлиқ.
«Аслида АҚШ президенти узоқни кўзлаб иш тутди ва ‘сизлар келишувни ўзгартирмасангиз, уни бекор қиламан’, деди. Бошқача қилиб айтганда, келишувни қутқариш учун уни аввал тўғирлаш керак», — деди Исроил бош вазири.
Изоҳ (0)