Қирғизистон миллий хавфсизлик давлат қўмитаси ходимлари халқаро қидирувда бўлган диний-экстремистик ташкилотлардан бирининг аъзосини ҳибсга олди. Бу ҳақда «ТАСС» хабар бермоқда.
«Гумонланувчи ШҲТга аъзо мамлакатлар махсус хизматлари томонидан қидирувда бўлган, террорчилик ташкилотларига ҳамда экстремистик фаолиятга алоқадор бўлган хорижий давлатлар фуқароларини аниқлаш юзасидан ўтказилган антитеррор тадбирлари чоғида ушланди», — дейилади хабарда.
Унинг исм-фамилияси ҳозирча ошкор қилинмаган. Шуниси аниқки, гумонланувчи 46 ёшда ва у МДҲ давлатларидан бирининг фуқароси ҳисобланади.
«Аниқланишича, қўлга олинган шахс узоқ муддат хорижда яшаган. У ўша ерда МДҲ давлатлари фуқароларини террорчиликка жалб қилиш билан шуғулланган», — дейилади хабарда.
Изоҳ (0)