АҚШ жанговар авиаташувчи гуруҳи Жанубий Корея ҳарбий кемалари билан ҳамкорликда Корея ярим ороли қирғоқларида 16 октябрь, душанба кунидан кенг кўламли машқларни бошлади. Бу ҳақда «ТАСС» хабар бермоқда.
Жанубий Корея мудофаа вазирлиги қўшма машқлар икки давлат ҳарбий-денгиз кучлари ўртасидаги ўзаро кўникмаларни мустаҳкамлашга қаратилганини билдирди.
АҚШ томонидан машқларда «Рональд Рейган» авиаташувчиси, «Стэтэм» ва «Мастин» эсминецлари иштирок этмоқда. Жанубий Корея «Иджис» ракетага қарши тизими билан жиҳозланган «Буюк Сежон» эсминеци, бошқа кемалар ва денгиз авиациясини жўнатди.
Машқлар Япон ва Сариқ денгизларида ўтиши ҳамда 20 октябрь, жума куни якунланиши кўзда тутилмоқда.
Изоҳ (0)