АҚШ президенти Дональд Трамп келаси ҳафта Эрон ядро дастури бўйича халқаро битимнинг тўхтатилиши ҳақида эълон қилишни режалаштирмоқда. Бу ҳақда The Washington Post маълум қилди, деб ёзади «Коммерсантъ».
Таъкидланишича, ушбу чора АҚШнинг Эронга қарши санкцияларини қайта тиклаш йўлидаги биринчи қадам бўлади. Нашр манбаларига кўра, Америка президенти 12 октябрь куни нутқ сўзлайди. У ядро битими нима сабабдан АҚШнинг миллий манфаатларига тўғри келмаслигини айтади. У ушбу масалада АҚШ Конгрессидан уни қўллаб-қувватлаш ваъдасини олиб қўймоқчи.
Оқ уй матбуот котиби Сара Сандерс брифинг чоғида маълум қилишича, Трамп аллақачон Эрон томонидан Қўшма кенг қамровли ҳаракатлар режаси бажарилганини тан олиш-олмаслик борасида муайян қарорга келиб бўлган. Вашингтон қандай чора кўришини президент яқин кунларда эълон қилади, деди у.
Изоҳ (0)