Ўзбекистонлик 9 боксчи Қозоғистондаги турнир ярим финалига етиб келди
Қозоғистоннинг Актау шаҳри бокс бўйича халқаро хотира турнирига мезбонлик қилмоқда. Унинг тафсилотлари билан «Оламспорт» нашри таништирди.
Ҳисоб бўйича бешинчи бор ўтказилаётган турнирнинг барча вазн тоифасида ўзбекистонлик чарм қўлқоп усталари рингга чиққан. 10 нафар ўзбекистонлик боксчидан фақатгина биттаси — 52 килограммгача вазн тоифасида чемпионлик учун кураш олиб бораётган Фозил Абдумуродов мағлубиятга учраган.
Қолган 9 нафар боксчи ярим финалга қадар етиб келди: Мироншоҳ Ибрагимов, Мурод Аҳмадалиев, Элнур Абдураимов, Маҳмуд Ғоипов, Мадиёр Саидраҳимов, Исроил Мадримов, Отабек Холматов, Санжар Турсунов, Баҳодир Жалолов.
Бектемир Мелиқўзиев, Жасур Латипов, Шаҳрам Ғиёсов, Иқбол Холдоров, Ҳасанбой Дўстматов каби боксчилар Қозоғистонга ташриф буюрмаган.
