Трамп «Мария» довулидан кейин ёрдам сўраган Сан-Хуан мэрини танқид остига олди

Пуэрто-Рико пойтахти — Сан-Хуан мэри Кармен Круз АҚШ президенти Дональд Трампдан «орол аҳолисини ўлимдан қутқариш»ни сўради, деб ёзади «Коммерсантъ».

Унинг сўзларига кўра, жабрланганларга федерал кўмак етарлича самарали тарзда кўрсатилмаяпти. «Сан-Хуан мэри ва Пуэрто-Рикодаги бошқалар жуда ёмон етакчилик қобилиятини кўрсатди, улар ўз ходимларини ёрдам беришга мажбур қила олмайди», — деб ёзди Трамп ўз Twitter’ида бунга жавобан.

Круз эса Америка президентини гуманитар фалокатни сиёсий муҳокамаларга айлантириб юборишда айблади. «Менинг ягона мақсадим одамлар ҳаётини сақлаб қолиш, бунинг учун имкониятга эга бўлиш йўлида мумкин бўлган барча нарсани қиламан ва гапираман», — деди у.