Блогер Том Скотт Йель универсиети (Коннектикут штати, АҚШ) профессори Герт Рувенхорст билан таълим муассасаси архивида сақланаётган 369 ёшли облигация ҳақида суҳбатлашди, деб хабар берди TJournal.
Ушбу қимматли қоғоз 1648 йилнинг 15 майида De Stichtse Rijnlanden нидерланд кооперацияси томонидан Қуйи Рейн ҳудудидаги каналлар ва тўғонларни бошқарган ер эгалари ва бой фуқаролар ўртасида тузилган. Ҳужжат Лек дарёси бўйида причал (лангар ташлаб қўйиладиган жой) қуриш ишларини молиялаштириш мақсадида тузилган.
Облигация эчки терисининг парчасига ёзилган. Ҳужжатнинг амал қилиш муддати кўрсатилмаган, матнда доимий равишда йиллик даромаднинг 5 фоизидан олиш қайд этилган (кейинчалик фоизлар 3,5 га, сўнг 2,5 фоизга туширилган).
Ел университети ушбу ҳужжатни 2003 йилда 24 минг еврога сотиб олган. Университетнинг кўплаб ходимлари қадимий облигация даромад манбаи бўлишини кутмаган. 2015 йилда Рувенхорст Нидерландиянинг Утрехт шаҳридаги сув ресурслари бошқармасининг штаб-квартирасига йўл олган ва 26 йил ичида биринчи бор қимматли қоғзонинг фоизларини қўлга киритган (136,2 евро атрофида).
Йель облигацияси — амал қилиш муддати кўрсатилмаган ва ҳалигача фоизлари тўлаб келинаётган фавқулодда ноёб қимматли қоғоздир. Бу каби нарса ҳамон борлиги ҳайратланарли.Герт Рувенхорст, Йель университети профессори
Изоҳ (0)