2014—2016 йиллардаги инқироз сабаб Россия фуқаролари томонидан давлат касалхоналари шифокорларига пора бериш ҳолати камайди, деб хабар беради «Коммерсантъ».
Олий иқтисодиёт мактабининг «Иқтисодий инқироз даврида тиббий хизмат ва дори воситаларига бўлган талаб» деб номланган тадқиқотида бу ҳолатга уй бекаларининг тиббий хизматлар учун харажатларининг қисқариши ва давлат касалхоналарида қонунийлаштирилган пулли хизматлар рўйхатининг кенгайиши сабаб қилиб кўрсатилмоқда.
Олий иқтисодиёт мактаби маълумотларига кўра, Россия касалхоналарида тўловларнинг умумий суммасида поранинг улуши 2013—2016 йилларда бир ярим бараварга камайди.
Тўловларнинг умумий суммасида унинг улуши 2013 йилда 71,5 фоиз бўлган, 2016 йилга келиб бу кўрсаткич 48,5 фоизга тушган.
Шу билан бирга стационар даволанишда суммани расмий равишда тўловчи мижозлар сони ўсган. Агар 2013 йилда 18,5 фоиз бемор даволаниш учун пулни расмий равишда тўлаган бўлса, 2016 йилда бу кўрсаткич 22,3 фоизга етган.
Изоҳ (0)