Покистоннинг собиқ бош вазири суд олдида жавоб бериш учун мамлакатга қайтди
Покистон бош вазири Навоз Шариф бугун, 25 сентябрь куни коррупция ҳақидаги иш бўйича судда иштирок этиш учун Лондондан мамлакатга қайтди. Бу ҳақда «РИА Новости» хабар бермоқда.
Покистон олий суди 2017 йилнинг 28 июлида Шарифни ҳукуматдан четлаштириш тўғрисида қарор чиқарди. Навоз Шариф оиласи аъзоларига қарши иш 2016 йилда унинг ўғилларининг «Панама ҳужжатлари»га алоқадорлиги маълум бўлганидан сўнг қўзғатилган эди.
Суднинг дастлабки мажлиси ўтган ҳафтада бўлиб ўтди. Бироқ унда Навоз Шариф ҳамда унинг оила аъзолари иштирок этмади.
Собиқ бош вазир саратон касаллигидан даволанаётган рафиқасини қўллаб-қувватлаш учун Лондонга кетган эди.
Покистон мусулмонлари лигаси партияси сенатори Асиф Қирмоний Шариф 26 сентябрь, сешанба куни суд мажлисида иштирок этишини маълум қилган.
