Германиянинг бир нечта шаҳарларида «Германия учун муқобил йўл» (AfD) ўнг партиясининг бундестагга кирганига қарши норозилик намойишлари бўлиб ўтди. Бу ҳақда Deutsche Welle’га таяниб, «РБК» хабар берди.
Нашрнинг таъкидлашича, ёмғир ёғганига қарамай, AfD партиясининг штаби яқинидаги Александерплац майдонига 700 га яқин одам тўпланди. Намойишчилар «Расизм (ирқчилик) ўтмайди» ва «AfD — нацистлар тўдаси», шунингдек, «Нацистлар йўқолсин» дея ҳайқиришган.
"Nazis raus!" Immer mehr @afd-Gegner vor der #AfD Wahlparty in der Nähe des Berliner Alexanderplatz #BTW17 #DeutschlandWaehlt pic.twitter.com/TURxh1FafM
— Kate Brady (@BradyinBerlin) September 24, 2017
Полиция вазиятга аралашмади, аммо намойишчиларнинг бинога жуда яқин келишига ҳам йўл қўймаган. Берлин полициясининг хабар беришича, намойишчилар AfD штаб-квартираси биносига улоқтиришга ҳаракат қилган тош ва бутилкаларнинг айримлари ҳуқуқ-тартибот ходимларига теккан.
Худди шунга ўхшаш акциялар Кёльн, Франкфурт-Майн, Мюнхен, Дюссельдорф, Геттинген, Дрезден, Лейпциг, Майнц ва бошқа шаҳарларда бўлиб ўтган.
Аввалроқ, Германия Марказий сайлов комиссияси мамлакат парламент сайловларнинг дастлабки якунларини эълон қилганди.
Изоҳ (0)