Швейцарияда тоғ ҳавосини хорижга экспорт қилиш бошланди. Swiss Alpin Air стартапи шу тарзда дунёнинг ифлосланган шаҳарларини тоза ҳаво билан таъминлашга умид қилмоқда. Бу ҳақда «РИА Новости» хабар берди.
«Ҳар йили сайёҳлар Швейцария Альпларига бардамлаштирувчи манзара ва тоза тоғ ҳавосидан баҳраманд бўлиш учун келади. Бу — шунчаки бизда бор тоза ҳавонинг экспорти. Биз аллақчон тоғ булоқларидан чиқадиган швейцария сувини, шоколадини ва пишлоғини экспорт қиляпмиз. Шундай экан, нима учун тоза ҳавони экспорт қилмаслигимиз керак? Бу — дунёдаги энг яхши ҳаво», — деб тушунтириш берган стартап асосчиси.
Тоза Альп ҳавоси етти литр сиғимли флаконларда аэрозол форматида онлайн сотилмоқда. Бундай флакон 120 марта нафас олиш учун етиши керак. Битта аэрозолни 21 долларга, шунингдек, олти ёки еттита бутилкадан иборат тўпламни чегирма билан сотиб олиш мумкин.
Ишлаб чиқарувчининг фикрича, аэрозолдаги ҳаво кўпроқ ифлосланган шаҳарлар аҳолисига тоза кислороддан нафас олишга ёрдам беради. Аэрозолга нафас олиш учун махсус ниқоб ҳам қўшиб берилади.
Айни вақтда стартап ўз ғоясини кенгайтириш учун инвесторларни изламоқда.
Изоҳ (0)