Олмаота – Тошкент – Олмаота йўналишида қатновчи «Тулпор-Talgo» янги халқаро йўловчи поезди қатнови мунтазам йўлга қўйилгани икки қардош халқ учун яна бир муҳим воқеа бўлди, деб хабар берди «Ўзбекистон 24».
Ушбу қатнов «Ўзбекистон темир йўллари» акциядорлик жамияти ва «Қазақстан темір жоли» миллий компанияси томонидан амалга оширилмоқда.
Поезд бошлиғи Асел Укешованинг сўзларига кўра, Олмаота – Тошкент йўналиши бўйича қатновлар жорий йилнинг 21 март куни бошланган. Ўтган вақт ичида йўловчилар ҳажми 80% кўтарилган.
«Тулпор-Talgo» янги халқаро йўловчи поезди кўплаб қулайликларга эга. Вагон-ресторан, вагон-бар, ногиронлар учун алоҳида ўриндиқларнинг борлиги, иқлим назорати бу янги поезд имкониятларини кўрсатади. Энг муҳими, оддий поездда Олмаотага 24 соат йўл юрилган бўлса, энди бу масофани 17 соатда босиб ўтиш мумкин. Қатновлар бундан кейин ҳафтада икки марта доимий равишда йўлга қўйилади.
Изоҳ (0)